وایقان

(01)

بیر آز یازدیم دور و برین وایقانین           الله حفظ ایت انسان لارین وایقانین

فکریم یازام چشمه لرین وایقانین

اون سگّیز کهریزین یاز آدی قالا               سولاری نین طعمی بَنزَردی بالا

(02)

گون چیخان دا پیله کهریز آخاردی           خومار خومار گوزلر اونا باخاردی

کَن کَن لر ایش لی یوب آخشام چیخاردی

حاج غلامحسین شوره کانین بیرییدی           او زندِ ئیدی پیله کهریز دیرییدی

(03)

اون دان سونرا حسن آباد گه لَر دی            اکین چی نین سو اوزینه گولَردی

زحمت کِش لر اونین قدرین بیلَردی

حاجی رنجی اونین بویوک سهامی               اهل دیزج خلیل یاخشی کلامی

(04)

سیّد کهریزی نین سویی چوخییدی         چشمه لر ایچینده رقیب اونا یوخییدی

او سو وینان اکردیلَر نُخودی

بَس لی یَردی او سو قَشَنگ یونجانی           بیچَن لَر دَه چای ایچَردی فنجانی

(05)

تَزه کهریز دَه آرخ لاردان گئچَردی        کُوشَن اهلی او خوش سو دان ایچَردی

سُووزی پِینَه لَرین اَکیب بیچَردی

قوهین قارپیز او سو دان دا بَس لَردی        گَلون یی یاخ بیر بیرینی سَس لَر دی

(06)

بیر آز بو یان نجف آباد چیخاردی             یول اوستیی دی مردم اونا باخاردی

اَلین یو ووب هم اوزینه یاخاردی

خَلّی لی ستاری اونون مالکی                   شکرعلی سلطان دا بیر آز شریکی

(07)

بیر چشمه واری دی قدمتی قوجا                      الهامی شهری دَن آدی آغاجا

تاریخ وایقانا اوردان آچ بیر باجا

آغجا شهر آدی اون دان یادگار                       ایرانِ باستان دان قالوب یادگار

(08)

عطا باد چیخاردی اوّل کَنده                ماهمادّی دا گُوریر دوخ سَن ده وَ من ده

سو آدام اوزینه ائیلیردی خنده     

محلّه نی گلستان ائیله میشدی                       حیاط لاری او بُستان ائیله میشدی

(09)

او چشمه سو وی یوللیا آَنَردی                      بول عطاباد دَگیرمان ایشله دردی

یوللی مسجدی ده اوردا اثردی

یوللی محلّه سی سونرا داغیلدی                 دوز دئگیرم فکر ایت مییون ناغیلدی

(10)

تعریف ائدیم ین کهریزین اَن بویون              کل وایقان ایچر اونون دا سویون

زینتی دی هم یاسلارین هم طویون

داش کوچه نی گلین کیمی بَزَردی                          قیز گلین لَر کناریندا گَزَردی

(11)

اِشَّک اوسته خورجین لاری آتاردوخ         سنیک مَنسه خورجین ایچره سالاردوخ

سو دول دوروب سونرا یوکی چاتار دوخ

یِن کهریزین شاهویردی بیر آدییدی                  شهد وعسل تَک او سویون دادییدی

(12)

کد کهریزین ممیرین نن ایچَر لر                        چوخی گلیب جان احمد دَن گئچر لر

آرپا بوغدا اون دان اَکیب بیچر لر   

او سووی نان جان احمد آبادی میش                 کدکهریزدَن قالان قوری آدی میش

(13)

دُول کهریزین، حامام سووی بیر آدی                 دییَم گَرَک یاخشی ییدی  سو دادی

او گون کندین بهداشتی وَ هرزادی  

چوخ زمین لر اون دان سیراب اولاردی            حامام خَزنه سی ده اون دان دولاردی

(14)

مرکیدی نَن چوروم ده گور سَنَردی                       گوی لی کوچه قیاسلی یا اَنَردی

اوّلِ پایین دا او یایلنردی

داش قوچلاری استخرینده گور میشوخ              بیز اوشاق لار او قوچ لارا مین میشوخ

(15)

پایین کوچه دَن آخیری جان آقا                               اونون شریک لَری آقا دور آقا

سووین باغلار دیلار اَکینه باغا      

الله نولدی او زحمت کش آدام لار                     قوری دی لار هم باغچا لار بادام لار

(16)

ایکی کهریز لطیف بیری ده خلف                           سولاری اولمازیدی اصلاً تلف

باش چَکَردی قاباغیندا اوت علف

کَل جامیش لار او اوتلار دان یی یَردی             سوت یوغورت و بوللی خاما ویرَردی

(17)

آخاردی آینا تَک سووی نورعلی                             فکر ائلَمه داهی ایندی سو گَلی

هم قوری دی دهنه سی هم ده گُلی

نورعلی چشمه سی سووی ایشمه لی                         قاباغیندا بوغدا اَکیب بیشمه لی

(18)

خواجه ای سو وی آخاردی چای تَکین                 زلال سووی گونَش تَکین  آی تَکین

لذّت لی سو شربت تکین چای تَکین

گَلین گورَک ایندی سولار نولدی لار                      اراضی سی سارالدیلار سولدی لار

(19)

بیرده گورَک جاری اولار امیرآباد                           ائلییه او چول لَری بیرده آباد

سو اولا  نفت و گازوئیل دَن آزاد

گینه گورَک امیرآباد گه له جَک                      مردم اونون بیرده قدرین بو له جَک

(20)

خانی یه نین سووی حد دَن آشیردی                    نهر لَر دَن سووی آشیب داشیردی

خلق گوروسَن سو اوسته ساواشیردی

رَوش لَر ده تولکی لیک لَر وارییدی                        قاباغیندا آباد مُلک لَر وارییدی

(21)

اون سَگّیز چشمه دَن تعریف ائله دیم                     آگاهیم یوخ هیچ بیلمه دیم نئله دیم

آییر دیم اون لاری بیر بیر طی له دیم       

ایندی قالموب سولارین دان هیچ اثر                     او قدر چَکمَز نشان لاری دا گئدَر

(22)

کیم لَر بولور چشمه لَرین قدمتین                            ائلیوب دی مردمه مین خدمتین

یا رب حفظ ایت گینه خلقین همتین

صابونیان یاز وایقانین هر زادین                    یاز هاممیسین قویما قالسین بیر زادین